Alaso nan non Minis Zaka Mede ki di Zaka Si Zaka La 

Nèg Awoubla vodou , nèg azaka mòlòko dyedye abitan

Nèg zaka tonnè zaka gweliye , jòk sine pyè rine jan lis kaden 

AZaka Krib , Azaka annou mede nèg nan mòn

Nèg kanson touse nèg djakout nan do nèg digo menfò.

Tanpri papa zaka aprann nou kiltive tèt ansanm

Fè nou donen lespri konbit aprann nou travay kove

Jodi a Azaka Mede nou bliye idantite nou nou bliye kiyes nou ye

Jodi a se letranje kap lage nan kui nou paske nou abandone bitasyon nou , jodi a kouzen nèg nan mòn pa plante nèg lavil ap depote.

Jodi a prodiksyon nasyonal nou a zero Minis. 

Nap mande'w pou retire gwo wou a sou do'w mete li nan men nou

Pou nou apran raboure latè pou nou sispann manje pèpè.

Jodi a zaka kwesi nèg sounbwa vodou pataje èneji la tè avek nou

Enèji pou nou aprann travay pou devlope peyi nou

Annou miyan man manvodoun .

                                                           AGO AGOSI AGOLA.